ამ დროისთვის  სარეაბილიტაციო სამუშაოები  უკვე დასრულებულია  სოფელ საიმერლოს, წერეთლის, ყიზილაჯლოს,  შულავერის, შაუმიანის დევნილთა დასახლებისა და  ქ. მარნეულის  #1 საბავშვო ბაღში.  ხოლო   სოფელ თამარისის, შაუმიანისა და ქ. მარნეულის #4 საბავშვო ბაღში სარემონტო სამუშაოები კვლავ აქტიურად გრძელდება.  აღსანიშნავია, რომ წელს მარნეულის მუნიციპალიტეტში არსებულ საბავშვო ბაღებს კიდევ ერთი ახალი ბაღი შეემატა -სოფელ ხიხანში. ამ დროისთვის სრულად გარემონტდა პირველი სართული, სადაც დაახლოებით 30 ბავშვის მიღებაა შესაძლებელი. შენობის მეორე სართულის რეაბილიტაცია კი მომავალი წლისთვის იგეგმება.   სოფელ ხიხანის  საბავშვო- ბაღის გახსნისთვის  სოფლის მხარდაჭერის პროგრამით 12952 ლარი, ხოლო ადგილობრივი ბიუჯეტიდან 12000 ლარი გამოიყო, რაც  ჯამში 24952 ლარს შეადგენს.  სახურავების შეკეთება, გადახურვა, სველი წერტილებისა და სამზარეულოს მოწყობა, მეტალოპლასტმასის კარ-ფანჯრების დაყენება, იატაკის, კედლებისა და ჭერის შეღებვა, გათბობის სისტემის დამონტაჟება და სხვა,- ეს იმ სამუშაოთა არასრული ჩამონათვალია, რომლიც საბავშვო ბაღების  კეთილმოწყობის პროექტის ფარგლებში ხორციელდება. {AG}2014.10.15-bagebis.reabilitacia{/AG}