ქალაქ მარნეულში, სკვერებისა და რეკრეაციული სივრცეების მოწყობა/რეაბილიტაციის სამუშაოები აქტიურად მიმდინარეობს.

ამ ეტაპისთვის დასრულდა ქობულეთის ქუჩაზე მცირე ზომის სკვერის მოწყობის სამუშაოები. უახლოეს მომავალში კი ახალი დასასვენებელი სივრცეები, რუსთავლის ქუჩაზე მდებარე რამდენიმე კორპუსის ეზოშიც მოეწყობა.

დღეს მარნეულის მერი, ზაურ დარგალი, ინფრასტრუქტურისა და ეკონომიკის სამსახურის ხელმძღვანელ პირებთან ერთად, იმ კორპუსების ეზოებს ესტუმრა, სადაც ახალი სკვერების მოწყობა იგეგმება. 

ზაურ დარგალმა, ადგილობრივ მოსახლეობასთან და სპეციალისტებთან ერთად, სივრცეების მოწყობის პროცესში გასათვალისწინებელ დეტალებზე იმსჯელა და დაპროექტებასთან დაკავშირებით ადგილობრივების მოსაზრებები მოისმინა, რომელიც მოწყობის პროცესში იქნება გათვალისწინებული.

დღესვე, მერიის ხელმძღვანელმა პირებმა, ქალაქ მარნეულის შემოსასვლელში, მონუმენტური ძეგლის „კიდევაც დაიზრდებიან“, მიმდიბარე ტერიტორიაზე, სკვერის მოწყობის სამუშაოებიც მოინახულეს.