მარნეულის მუნიციპალიტეტის სოფლებში საგზაო ინფრასტრუქტურის მოწესრიგების სამუშაოები აქტიურად მიმდინარეობს.

სოფლის  შიდა გზების  მოწყობის სამუშაოები ადგილზე დაათვალიერა, მუნიციპალიტეტის მერმა ზაურ დარგალმა.

იგი ამჯერად  სოფელ კიროვკასა და  ქვემო სარალს ესტუმრა სადაც გზის მშენებლობის პროცესს ადგილზე გაეცნო და პარალელურად  ადგილობრივებს გაესაუბრა.

სოფელ კიროვკაში პროექტის ფარგლებში გათვალისწინებულია 1 340 მეტრი მოცულობის გზის მოასფალტება, რისთვისაც ადგილობრივ ბიუჯეტში გათვალისწინებულია  436 000 ლარი; რაც შეეხება სოფელ ქვემო სარალს, სარეაბილიტაციო სამუშაოები რეგიონში განსახორციელებელი პროექტების ფონდიდან 468 140 ლარით დაფინანსდა და  მოასფალტდება 940 მეტრის გზა.