მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

ჟვანიას სკოლა ახალ სასწავლო კურსს იწყებს
22 ივლ 2019
 

სსიპ- რელიგიის საკითხთა სახელმწიფო სააგენტოს ინიციატივით, სააგენტოსა და სსიპ ზურაბ ჟვანიას სახელმწიფო ადმინისტრირების სკოლას შორის გაფორმებული თანამშრომლობის მემორანდუმის ფარგლებში, რომლის მიზანია, რელიგიურ უმცირესობებში სახელმწიფო ენის პოპულარიზაცია და სამოქალაქო ინტეგრაციის ხელშეწყობა, აღნიშნული სკოლა იწყებს ახალი მიმართულებით სწავლის განხორციელებას.  

კერძოდ, პროგრამაში ჩაერთვებიან საქართველოში არსებული რელიგიური უმცირესობების, სასულიერო პირები.

აღნიშნული მიმართულებით სახელმწიფო ენის სწავლება ხელს შეუწყობს მათ ინტეგრაციას საზოგადოებაში.

აღნიშნულთან დაკავშირებით, ჟვანიას სკოლის მარნეულის რეგიონულ სასწავლო ცენტრში დღეს, პროგრამის გახსნის პრეზენტაცია  შედგა, რომელსაც რელიგიის სააგენტოს, საქართველოს განათლების, მეცნიერების, კულტურისა და სპორტის სამინისტროს, აგრეთვე  შერიგებისა და სამოქალაქო თანასწორობის საკითხებში სახელმწიფო მინისტრის აპარატის, ქვემო ქართლის მხარის პირველი  პირები, რელიგიური ლიდერები და ადგილობრივი ხელისუფლების წარმომადგენლები ესწრებოდნენ.

აღსანიშნავია, რომ პირველ ეტაპზე ახალი მიმართულებით სწავლა 3 თვეს მოიცავს, რომელიც ქვემო ქართლის ორ მუნიციპალიტეტში, მარნეულსა და დმანისში განხორციელდება.

 
 
მნახველთა რაოდენობა: 289
 
 
 
სიახლეები
 
     
    სიახლეები
    2019 აგვისტო
    ორშსამოთხხუთპარშბკვ
    1234
    567891011
    12131415161718
    19202122232425
    262728293031