მარნეულის მუნიციპალიტეტის მერმა კენან ომაროვმა და საკრებულოს თავმჯდომარე ამირან გიორგაძემ, მარნეულში, ამერიკის შეერთებული შტატების საელჩოს წარმომადგენლებს უმასპინძლეს.

გაცნობითი ხასიათის შეხვედრას USAID-ის დირექტორის მოადგილე ენი სტიდი და საელჩოს პოლიტიკური განყოფილების წარმომადგენლები ესწრებოდნენ.

მხარეებმა მარნეულში განხორციელებულ პროექტებზე ისაუბრეს. განიხილეს მუნიციპალიტეტის პოტენციალი, შემდგომი თანამშრომლობის შესაძლებლობები. ასევე, სამომავლო პროექტები და ადგილზე სოფლის მეურნეობის დარგების და ტურიზმის განვითარების ხელშეწყობა.