მარნეულის მუნიციპალიტეტში პროექტის „ახალგაზრდული მეწარმეობა სოფლის განვითარებისთვის“ განხორციელება იგეგმება

მარნეულის მუნიციპალიტეტის მერი კენან ომაროვი, მერიის ხელმძღვანელ პირებთან ერთად Mercy Corps Georgia-ს წარმომადგენლებს შეხვდა. მხარეებმა ურთიერთთანამშრომლობის შესახებ იმსჯელეს.

შეხვედრაზე, Mercy Corps Georgia-ს წარმომადგენლებმა მერს პროექტის „ახალგაზრდული მეწარმეობა სოფლის განვითარებისთვის“ დეტალები გააცნეს, რომელსაც ავსტრიის განვითარების თანამშრომლობის (ADC) დაფინანსებით, აღნიშნული ორგანიზაცია განახორციელებს.

პროექტი მიზნად ისახავს 18-დან 35 წლამდე ახალგაზრდების სამეწარმეო უნარ-ჩვევებისა და ცოდნის გაღრმავებას, სასოფლო-სამეურნეო და არასასოფლო-სამეურნეო მიმართულების ბიზნესების მხარდაჭერას, ფინანსებზე ხელმისაწვდომობისა და საბაზრო კავშირების დამყარების ხელშეწყობას.

შეხვედრას ასვე, სახელმწიფო რწმუნებულის ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსი ლევან ჟვანია ესწრებოდა.