მარნეულის მუნიციპალიტეტის ადმინისტრაციულ ერთეულებში, „სოფლის მხარდაჭერის პროგრამის“ ფარგლებში, მოსახლეობასთან შეხვედრები გრძელდება.  

მოგახენებთ, რომ შეხვედრები განრიგის მიხედვით მიმდინარეობს. კონსულტაციები ამ ეტაპისთვის 6 ადმინისტრაციული ერთეულის 20 სოფელში გაიმართა.

მარნეულის მუნიციპალიტეტისთვის „სოფლის მხარდაჭერის პროგრამით“ გამოყოფილია 1 232 000  ლარი, რომლითაც სხვადასხვა ინფრასტრუქტურული პროექტები დაფინანსდება.

აღსანიშნავია, რომ პროგრამის ფარგლებში კონსულტაციებს მერის ბრძანებით განსაზღვრული  სამი სამუშაო ჯგუფი  მუნიციპალიტეტის ყველა ადმინისტრაციულ ერთეულში ჩაატარებს.