დღეს მარნეულის მუნიციპალიტეტში სოფლის კრებები ყულარის, თამარისისა და შულავერის ადმინისტრაციულ ერთეულებში შემავალ სოფლებში გაიმართა.

ადგილობრივი მოსახლეობის გადაწყვეტილებით, მიმდინარე წელს, სოფლის მხარდაჭერის პროგრამის ფარგლებში, სხვადასხვა ინფრასტრუქტურული პროექტები შედგება, კერძოდ, მოსახლეობის მიერ მიღებული გადაწყვეტილებით, გარე განათების სისტემის მოწყობის სამუშაოები განხორციელდება - სოფელ ზემო და ქვემო ყულარში, კირიხლოში, ალავარში, ქვემო სარალში, არაფლოში, ახლომახმუდლოში, სეითგოჯალსა და ენიკენდში. გეზბი მოიხრეშება სოფელ დიოკნისში, ხოლო სოფელ თამარისში რემონტი ჩაუტარდება ამბულატორიის შენობას.

შეგახსენებთ, რომ მთავრობის გადაწყვეტილებით, ქვეყანაში სოფლის მხარდაჭერის პროგრამა აღდგა, რომელიც რეგიონებში განსახორციელებელი პროექტების ფონდის (რეგფონდის) ქვეკომპონენტია, რომლის ფარგლებშიც, სოფლად მცხოვრები მოსახლეობის საკეთილდღეოდ არაერთი მნიშვნელოვანი პროექტი განხორციელდება, რომელსაც მოსახლეობა დასახლებების მიხედვით ხმათა უმრავლესობით განსაზღვრავს.

სოფლის საერთო კრებები მუნიციპალიტეტის მასშტაბით მომავალ დღეებშიც ჩატარდება.