მარნეულის მუნიციპალიტეტი
ოფიციალური ვებგვერდი
ცხელი ხაზი
განცხადებები

 

მარნეული „ფოტოგამოფენა საგანძურს“ მასპინძლობს
07 მაი 2018
 

მარნეულის მუნიციპალიტეტის კულტურის ცენტრი,  უკვე რამოდენიმე დღეა,  „ფოტოგამოფენა საგანძურს“ მასპინძლობს. ნებისმიერ მსურველს, 10 მაისის ჩათვლით  შესაძლებლობა აქვს ეწვიოს კულტურის სახლს და დაათვალიეროს წარმოდგენილი ექსპონატები.

გამოფენის ფარგლებში დამთვალიერებელს შესაძლებლობა აქვს ნახოს  შ.ამირანაშვილის სახელობის ხელოვნების მუზეუმში დაცული ოქროს ფონდის ექსპონატები - ქართული ქრისტიანული ხელოვნების ნიმუშები ორიგინალების ზომების ფოტო-ვერსიები.

გამოფენა წარმოდგენილია  საქართველოს ეროვნული მუზეუმის  საგანმანათლებლო პროექტის ფარგლებში  - „ფოტოგამოფენა საგანძური", რომელიც 2008 წელს სრულიად საქართველოს კათოლიკოს–პატრიარქის, უწმინდესისა და უნეტარესის ილია II-ის ლოცვა–კურთხევით შეიქმნა, მისი უწმინდესობის აღსაყდრების 30 წლისთავისადმი მიძღვნილი ღონისძიებების ფარგლებში და მიმდინარეობს დევიზით – „ვიცოდეთ რისი პატრონები ვართ!”

შექმნის დღიდან „საგანძურმა" უკვე იმოგზაურა ჩვენი ქვეყნის სხვადასხვა კუთხეში და წარმატებით გაიარა აპრობაცია.   პროექტ "საგანძურის" მიზანია: ქართული სულიერი და მატერიალური კულტურის, წარმოჩინებია და დაცვისათვის ხელშეწყობა, ქართული ქრისტიანული ხელოვნების პოპულარიზაცია და ცნობადობის გაზრდა, "საგანძურის" შედევრების შექმნისა და ისტორიის კვლევისათვის ხელშეწყობა.

გამოფენის კონცეფცია ეფუძნება მსოფლიო სამუზეუმო გამოცდილებას - როდესაც ეროვნული სამუზეუმო მემკვიდრეობის ცნობადობის ამაღლებისა და ხელმისაწვდომობის მიზნით, გამოიყენება არა თავად ექსპონატები, რომელთა გადაადგილება დიდ ხარჯებს უკავშირდება და შესაძლოა მათი მდგომარეობის გამო არამიზანშეწონილიც იყოს, არამედ მათი ესთეტიკური და მხატვრული ღირებულებების შემცველი ალტერნატიული საშუალებები. ეს არის ე.წ. „მოგზაური ექსპოზიციები", რომლებიც, ერთის მხრივ, მარტივია გადასაადგილებლად და ნაკლებ ბიუჯეტს საჭიროებს, მეორეს მხრივ - დამთვალიერებელს საშუალებას აძლევს მიიღოს ორიგინალი ექსპონატის დათვალიერებით გამოწვეულ შთაბეჭდილებასთან მიახლოებული ემოცია. ამასთან, „მოგზაური ექსპოზიციები" შესანიშნავ გარემოს ქმნის შესაბამისი, თემატური საგანმანათლებლო პროგრამების განსახორციელებლად.

ფოტოგამოფენა სრულად გადმოსცემს ქართული საგანძურის შედევრების მაღალმხატვრულ დონეს, ესთეტიკასა და შინაარსს. ფოტოგამოფენა შექმნილია საქართველოს რეგიონებში სამოგზაუროდ, ქართული კულტურული მემკვიდრეობის მატერიალური და სულიერი ძეგლების საყოველთაო ხელმისაწვდომობის მიზნით.


 
 
მნახველთა რაოდენობა: 2528
 
 
 
განცხადებები
ივნ 02 სამ 2020
420
აპრ 25 შბ 2020
431
აპრ 23 ხუთ 2020
450
აპრ 24 პარ 2020
491
აპრ 06 ორშ 2020
553
მარ 30 ორშ 2020
571
მარ 23 ორშ 2020
584
მარ 23 ორშ 2020
585
მარ 23 ორშ 2020
658
მარ 20 პარ 2020
598
მარ 17 სამ 2020
596
მარ 17 სამ 2020
597
მარ 10 სამ 2020
925
აპრ 15 ორშ 2019
1618
აპრ 01 ორშ 2019
1663
იან 17 ხუთ 2019
1809
დეკ 19 ოთხ 2018
2088
ნოემ 02 პარ 2018
2002
სექ 14 პარ 2018
2563
სექ 07 პარ 2018
2219
აგვ 27 ორშ 2018
2234
აგვ 17 პარ 2018
2114
ივლ 04 ოთხ 2018
2286
მარ 23 პარ 2018
2653
 
     
    სიახლეები
    2020 სექტემბერი
    ორშსამოთხხუთპარშბკვ
    123456
    78910111213
    14151617181920
    21222324252627
    282930