მარნეულის მუნიციპალიტეტში სოფლის მხარდაჭერის პროგრამის ფარგლებში სამუშაო ჯგუფმა, შემაჯამებელი შეხვედრა გამართა, რომელსაც მარნეულის მუნიციპალიტეტის მერის მოვალეობის შემსრულებელი ზაურ ტაბატაძე დაესწრო.

სამუშაო ჯგუფმა პროგრამის შემდეგ ეტაპზე იმსჯელა რომელიც ითვალისწინებს, სოფლის კრებებზე მომზადებული პროექტების ნუსხის განხილვას და მერიის მიერ საკრებულოზე დასამტკიცებლად წარდგენას.

შეგახსენებთ, რომ მთავრობის გადაწყვეტილებით, ქვეყანაში სოფლის მხარდაჭერის პროგრამა აღდგა, რომელიც რეგიონებში განსახორციელებელი პროექტების ფონდის (რეგფონდის) ქვეკომპონენტია, რომლის ფარგლებშიც, სოფლად მცხოვრები მოსახლეობის საკეთილდღეოდ არაერთი მნიშვნელოვანი პროექტი განხორციელდება, რომელსაც მოსახლეობა დასახლებების მიხედვით ხმათა უმრავლესობით განსაზღვრავს. სოფლის კრებების ჩატარება საქართველოს მასშტაბით 28 თებერვალს დასრულდა.