მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

მარნეულის მუნიციპალიტეტში „სახელმწიფო საკუთრებაში არსებული საძოვრების ხელმისაწვდომობის“ პროგრამას გაეცნენ
11 აპრ 2022
 

აღნიშნული პროგრამის დეტალები, მიზნობრიობა და მასში მონაწილეობის პირობები იყო განხილვის თემა მარნეულის მუნიციპალიტეტში გამართულ შეხვედრაზე, რომელიც მიწის მდგრადი მართვისა და მიწათსარგებლობის მონიტორინგის ეროვნული სააგენტოს თავმჯდომარის პირველმა მოადგილემ, მერაბ ქვარაიამ გამართა.

სამუშაო შეხვედრას ესწრებოდნენ მარნეულის მუნიციპალიტეტის მერის მოადგილე თემურ შუბითიძე, მუნიციპალიტეტის სოფლების რწმუნებულები და დაინტერესებული ფერმერები.

მიმდინარე ეტაპზე, პროგრამის ფარგლებში, სააგენტოს მიერ ქვემო ქართლის რეგიონში შერჩეული იჯარით გასაცემი საძოვრების საერთო ფართობი  6602 ჰექტარს შეადგენს. აღნიშნულის შესახებ დეტალური ინფორმაცია ხელმისაწვდომია საქართველოს გარემოს დაცვისა და სოფლის მეურნეობის სამინისტროსა (www.mepa.gov.ge) და სააგენტოს ვებგვერდებზე (www.land.gov.ge). ამ ეტაპზე შერჩეული საძოვრების იჯარით მისაღებად პროგრამაში მონაწილეობისათვის განაცხადის და თანდართული დოკუმენტაციის წარდგენა დაწყებულია და 26 აპრილამდე გაგრძელდება.

„სახელმწიფო საკუთრებაში არსებული საძოვრების ხელმისაწვდომობის“ პროგრამა საქართველოს მთავრობამ 2021 წლის 6 ოქტომბერს მიიღო. ფერმერებს, რომლებიც მეცხოველეობას მისდევენ, შესაძლებლობა ეძლევათ, სასურველი საძოვარი აუქციონის გზით მიიღონ და სამწლიანი იჯარის ხელშეკრულების ფარგლებში განკარგონ.

 
 
მნახველთა რაოდენობა: 416
 
 
 
სიახლეები
მაი 25 ოთხ 2022
4
მაი 20 პარ 2022
69
მაი 09 ორშ 2022
255
აპრ 28 ხუთ 2022
327
აპრ 22 პარ 2022
284
აპრ 21 ხუთ 2022
270
მარ 24 ხუთ 2022
672
 
     
    სიახლეები
    2022 მაისი
    ორშსამოთხხუთპარშბკვ
    1
    2345678
    9101112131415
    16171819202122
    23242526272829
    3031