მარნეულის მუნციპალიტეტის მერის მოვალეობის შემსრულებელმა, ზაურ ტაბატაძემ, მერის ახალი მოადგილე კენან ომაროვი, მერის წარმომადგენლებს ადმინისტრაციულ ერთეულებში წარუდგინა.

კენან ომაროვი სამსახურეობრივი უფლებამოსილების შესრულებას მიმდინარე წლის პირველი თებერვლიდან შეუდგა და იგი კურატორობას აღნიშნული მიმართულებით გაუწევს.

გაცნობითი ხასიათის შეხვედრაზე, ძირითადი აქცენტი კოორდინირებული მუშაობისთვის საჭირო ღონისძიებების დაგეგმვას, მიმდინარე ეტაპზე სოფლებში არსებულ გამოწვევებს და უახლოეს მომავალში განსახორციელებელ ამოცანებს შეეხებოდა.