მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

მარნეულმა კონკურს-ფესტივალს, „სხვა საქართველო სად არის“ უმასპინძლა
23 ივნ 2021
 

მარნეული მუნიციპალიტეტის მერის მოვალეობის შემსრულებელი ზაურ ტაბატაძე და ქვემო ქართლში სახელმწიფო რწმუნებულის მოადგილე კახა კობერიძე კონკურს-ფესტივალის, „სხვა საქართველო სად არის", გახსნის ღონისძიებას დაესწრნენ.

აუდიტორიის წინაშე სხვადასხვა ასაკობრივი კატეგორიის, ინდივიდუალური შემსრულებლები და გუნდები წარდგნენ, რომლებიც ქართული ესტრადის ცნობილმა წარმომადგენლებმა შეაფასეს.

აღსანიშნავია, რომ მარნეულის მუნიციპალიტეტმა უკვე მეხუთედ უმასპინძლა კონკურს-ფესტივალს „სხვა საქართველო სად არის“. ეს არის პროექტი, სადაც საქართველოს მოქალაქეები, ახალგაზრდა თაობა, სწავლობს ქართულ ტრადიციულ სიმღერებს და ახდენენ საკუთარი შესაძლებლობების რეალიზებას.

პროექტი, კავშირი „დემოსის“ და შოთა რუსთაველის თეატრისა და კინოს სახელმწიფო უნივერსიტეტის სასწავლო ცენტრის ინიციატივით შემუშავდა, რომლის ფარგლებში, კონკურსანტებისთვის, მასტერკლასებს ცნობილი ქართველი კომპოზიტორები ატარებენ.

კონკურს-ფესტივალის მხარდამჭერი საქართველოს კულტურის, სპორტისა და ახალგაზრდობის სამინისტრო, ქვემო ქართლში სახელმწიფო რწმუნებულის ადმინისტრაცია, მარნეულის მუნიციპალიტეტის მერია და მარნეულის კულტურის ცენტრი არიან.

 
 
მნახველთა რაოდენობა: 646
 
 
 
სიახლეები
 
 
სიახლეები
2021 სექტემბერი
ორშსამოთხხუთპარშბკვ
12345
6789101112
13141516171819
20212223242526
27282930