მერიაში, მარნეულის მუნიციპალიტეტის მერის მოვალეობის შემსრულებელ, ზაურ ტაბატაძესა და სსიპ კოლეჯი „მოდუსის“ დირექტორ, ეკატერინე პატეიშვილს შორის სამუშაო შეხვედრა გაიმართა.

შეხვედრის ფარგლებში, მხარეებმა კოლეჯ „მოდუსი“-ის მარნეულის ფილიალის წარმატებით ფუნქციონირებისათვის საჭირო, ერთობლივად განსახორციელებელი ღონისძიებების შესახებ იმსჯელეს და სამომავლო თანამშრომლობის საკითხები განიხილეს, რაც შემდგომში ურთიერთანამშრომლობის მემორანდუმში აისახება.

კოლეჯ „მოდუსს“ მარნეულის ფილიალი უახლოეს მომავალში ოფიციალურად გადაეცემა. აღსანიშნავია, რომ კოლეჯი მუნიციპალიტეტის საჭიროების შესაბამისად, სხვადასხვა პროფესიულ პროგრამას განახორციელებს. __________________________