მარნეულის მუნიციპალიტეტსა და აზერბაიჯანის რესპუბლიკის, შამქირის რაიონს შორის ურთიერთთანამშრომლობის მემორანდუმი გაფორმდა.
აღსანიშნავია, რომ ქვემო ქართლის დელეგაცია სახელმწიფო რწმუნებულის, გიორგი დოხტურიშვილის ხელმძღვანელობით ოფიციალური ვიზიტით აზერბაიჯანის რესპუბლიკაში იმყოფება.
ორ ქალაქს შორის დამეგობრების მემორანდუმს ხელი, ბაქოში ვიზიტის ფარგლებში, მარნეულის მუნიციპალიტეტის მერმა, კენან ომაროვმა და შამქირის რაიონის აღმასრულებელი ორგანოს ხელმძღვანელმა, რაშად ტაგიევმა მოაწერეს.
ურთიერთთანამშრომლობის მემორანდუმი, მუნიციპალიტეტებს შორის კიდევ უფრო მეტად გაამყარებს მეგობრობასა და თანამშრომლობას, ხელს შეუწყობს დაძმობილებულ ქალაქებს შორის არსებული ეკონომიკური, საგანმანათლებლო, ტურიზმისა და კულტურის სფეროში ნაყოფიერ თანამშრომლობას და სექტორული კავშირების გაფართოებას.
დელეგაციის შემადგენლობაში შედიან ქვემო ქართლის რეგიონის მუნიციპალიტეტების მერები, სახელმწიფო რწმუნებულის მოადგილე ნიკა კობახიძე და მარნეულის მუნიციპალიტეტის საკრებულოს თავმჯდომარე, ამირან გიორგაძე, რუსთავის საკრებულოს წევრი მამუკა ხელაია და ქვემო ქართლის რეგიონული განვითარების სააგენტოს ხელმძღვანელი, მიხეილ ღუწკაია.
ქართული დელეგაციის წევრები, აზერბაიჯანის პრემიერ-მინისტრს, ალი ასადოვს, აზერბაიჯანის ეკონომიკის მინისტრს, მიქაილ ჯაბაროვსა და დიასპორასთან მუშაობის სახელმწიფო კომიტეტს შეხვდნენ. მოინახულეს „მარადიული ჩირაღდნის“ ძეგლი და შეჰიდთა ხეივანში გმირებს პატივი მიაგეს.
საქართველოს დელეგაცია აზერბაიჯანის რესპუბლიკაში ვიზიტს 15 ივლისს დაასრულებს.
სიახლეები
ურთიერთთანამშრომლობის მემორანდუმი
14 ივლ 2022
მნახველთა რაოდენობა: 2939
სიახლეები
აპრ 22 ოთხ 2020
15263
აპრ 22 შბ 2017
28400
იან 09 ორშ 2017
28058
აგვ 30 სამ 2016
30102
აგვ 27 შბ 2016
29381
სექ 02 პარ 2016
27714
აგვ 26 პარ 2016
27262
აგვ 30 სამ 2016
25465
აგვ 25 ხუთ 2016
27487