დღეს, 2008 წლის აგვისტოს რუსეთ–საქართველოს ომიდან 13 წელი გავიდა. მარნეულის მუნიციპალიტეტის ხელმძღვანელმა პირებმა, ქვეყნის ტერიტორიული მთლიანობისთვის დაღუპულ გმირთა მემორიალი გვირგვინით შეამკეს და მათ ხსოვნას პატივი მიაგეს.

თვითმმართველობის გადაწყვეტილებით, აფხაზეთსა და სამაჩაბლოს ომში დაღუპული ჯარისკაცების ოჯახებს ერთჯერადი მატერიალური დახმარების სახით, 500 – 500 ლარის ოდენობით თანხა გადაეცათ.

ასევე, ხელმძღვანელმა პირებმა ომში გმირულად დაღუპული მეომრების ოჯახები მოინახულეს და მათ სიმბოლურად, სასაჩუქრე კალათები პირადად გადასცეს.