ქალაქ მარნეულში, ბაქოსა და შარიფოვის ქუჩის კვეთაზე ხელოვნურსაფარიანი მინი საფეხბურთო მოედნი მოეწყო.

დასრულებული ინფრასტრუქტურული პროექტი მარნეულისა და გარდაბნის მაჟორიტარმა დეპუტატმა, ზაურ დარგალმა, მარნეულის მერის მოვალეობის შემსრულებელმა, ზაურ ტაბატაძემ, მარნეულის საკრებულოს თავმჯდომარემ, ამირან გიორგაძემ და მუნიციპალიტეტის სხვა ხელმძღვანელმა პირებმა მოინახულეს.

მაჟორიტარი დეპუტატის ინიციატივით ადგილობრივ ახალგაზრდებს, სიმბოლურად ფეხბურთის ბურთები გადაეცათ საჩუქრად.
სპორტული ინფრასტრუქტურის მოწყობისთვის, ადგილობრივი ბიუჯეტიდან 73 608 ლარი გამოიყო.

აღსანიშნავია, რომ მარნეულის მუნიციპალიტეტში 2020 წელს, სპორტული ინფრასტრუქტურის განვითარების კუთხით, მნიშვნელოვანი პროექტები განხორციელდა. სპორტის სფეროს განვითარების ხელშეწყობისა და ჯანსაღი ცხოვრების წესის დამკვიდრების მიზნით, მუნიციპალიტეტის მიერ, ადგილობრივი ბიუჯეტის დაფინანსებით, მარნეულის მასშტაბით, 8 მინი კომბინირებული მოედანი მოეწყო.