მარნეულის მუნიციპალიტეტის მერმა კენან ომაროვმა, სამუშაო შეხვედრა გამართა.

სამუშაო შეხვედრას მუნიციპალიტეტის მერიის სამსახურების და განყოფილებების უფროსები ესწრებოდნენ. თათბირზე, მუნიციპალიტეტში განსახორციელებელ პროექტებზე, მოქალაქეთა საჭიროებებზე და სამომავლო გეგმებზე იმსჯელეს. ასევე, მერიაში მიმდინარე საკადრო ცვლილებებზე.

აღსანიშნავია, რომ მერიის სამსახურებმა უნდა წარადგინონ განახლებული ანგარიში მიმდინარე საქმიანობის და სამომავლო გეგმების შესახებ.

სამუშაო შეხვედრას საკრებულოს თავმჯდომარე ამირან გიორგაძე და მერის მოადგილე თემურ შუბითიძე ესწრებოდნენ.

„საჯარო მოხელის უმთავრეს მისიას მოქალაქეთა ინტერესების რეალიზაცია წარმოადგენს; ჩვენი მიზანია ამ მიმართულებით ყველა სამსახური მაქსიმალური დატვირთვით მუშაობდეს.“- მარნეულის მუნიციპალიტეტის მერი კენან ომაროვი.