25 მაისს, მარნეულის მუნიციპალიტეტმა რაგბის ფესტივალს უმასპინძლა. სპორტული ღონისძიება, ქალაქ მარნეულის ცენტრალურ სტადიონზე გაიმართა, რომელიც საქართველოს ერთიანობისთვის დაღუპულ გმირთა ხსოვნას მიეძღვნა. ფესტივალში მონაწილეობა ქალაქ თბილისის, თელავის, რუსთავისა და მარნეულის სარაგბო გუნდებმა მიიღეს. ფესტივალს დაესწრნენ ადგილობრივი თვითმმართველობის ხელმძღვანელი პირები, მარნეულის მაჟორიტარი დეპუტატები, საქართველოს რაგბის ეროვნული ფედერაციის წარმომადგენლები, საქართველოს ერთიანობისთვის დაღუპულ გმირთა ოჯახის წევრები და სხვა დაინტერესებული პირები. ღონისძიების ბოლოს, ფესტივალში მონაწილე ყველა გუნდი თასებითა და მედლებით დაჯილდოვდნენ. ფესტივალის მიზანს ახალგაზრდებში რაგბის, როგორც სპორტის სახეობის პოპულარიზაცია და საქართველოს ერთიანობისთვის დაღუპულ გმირთა ხსოვნის უკვდავყოფა წარმოადგენდა. აღსანიშნავია, რომ სარაგბო კლუბმა – „მარნეულის არმაზი“, 2016 წლის სექტემბრიდან რაგბის ახალი ჯგუფები გახსნა მარნეულის მუნიციპალიტეტის ოთხ სოფელში, წერეთელში, საიმერლოში, თამარისსა და ყიზილაჯლოში. დღეის მდგომარეობით, წრთვნას გადის ასამდე ბავშვი, რაც ხელს უწყობს ახალგაზრდებში ჯანსაღი ცხოვრების წესის დამკვიდრებასა და პერსპექტიული მორაგბეების გამოვლენას. ფესტივალის ორგანიზატორი იყო მარნეულის მუნიციპალიტეტის სპორტული სკოლის , სარაგბო კლუბი „მარნეულის არმაზი“.
სპორტი
მარნეულმა რაგბის ფესტივალს უმასპინძლა
27 მაი 2017
მნახველთა რაოდენობა: 6819
სიახლეები
აპრ 03 ოთხ 2024
323
აპრ 22 ოთხ 2020
15517
აპრ 22 შბ 2017
28706
იან 09 ორშ 2017
28301
აგვ 30 სამ 2016
30323
აგვ 27 შბ 2016
29614
სექ 02 პარ 2016
27998
აგვ 26 პარ 2016
27506
აგვ 30 სამ 2016
25674