მარნეულის მუნიციპალიტეტში, სასოფლო-სამეურნეო მიწების უფასოდ დამუშავების სოციალური პროგრამა გრძელდება

1 მარტიდან მარნეულის მუნიციპალიტეტში განახლდა სოციალური პროგრამა, რომელიც სხვადასხვა მოწყვლადი კატეგორიის ოჯახებისთვის სახნავ-სათესი ფართობების უფასოდ დამუშავებას გულისხმობს.

სადახლოს ადმინისტრაციულ ერთეულში 33 ბენეფიციარის განცხადება დაკმაყოფილდა და პროგრამის ფარგლებში -- ჰა სასოფლო-სამეურნეო სავარგული დამუშავდა; ამ ეტაპზე, მიწის სეზონური დამუშავების სამუშაოები შაუმიანის ადმინისტრაციულ ერთეულში მიმდინარეობს. განცხადებების მიღება მაისის ბოლომდე წარმოებს.

აღსანიშნავია, რომ 2022 წელს სოციალური პროგრამის ფარგლებში მუნიციპალიტეტის მასშტაბით 90 ბენეფიციარის მიერ შემოსული განაცხადის საფუძველზე, დამუშავდა 39,98 ჰა სასოფლო-სამეურნეო მიწა.