მარნეულის მუნიციპალიტეტში, ახალი წლის დადგომა, გრანდიოზულად, კულტურის სახლის ეზოში აღინიშნა.

საახალწლო კონცერტს ესწრებოდნენ და მოსახლეობას დამდეგი ახალი წელი სცენიდან მიულოცეს სახელმწიფო რწმუნებულმა ქვემო ქართლში შოთა რეხვიაშვილმა, მისმა მოადგილეებმა კახა კობერიძემ და ზაურ დარგალმა. ასევე მარნეულის მერის მოვალეობის შემსრულებელმა ზაურ ტაბატაძემ, მერის მოადგილემ ლაშა ლობჯანიძემ, საკრებულოს თავმჯდომარის მოადგილემ, მამუკა ნავერიანმა და პარლამენტის მაჟორიტარმა დეპუტატმა რუსლან ჰაჯიევმა.

მარნეულელებს ახალი წელი კულტურის ცენტრთან არსებულმა შემოქმედებითმა ჯგუფებმა, საკონცერტო ნომრებით მიულოცეს.

ახალი წლის შემოსვლა მარნეულში გრანდიოზული ფოიერვერკით იზეიმეს. კონცერტი მარნეულში დიჯეიმ ელექტრონული მუსიკით დახურა.