26 ოქტომბერს, მარნეულის მუნიციპალიტეტის „კულტურის ცენტრის“ ორგანიზებით, მუნიციპალიტეტის მასშტაბით ჩატარდა ცნობიერების ამაღლების კამპანია ადრეული ქორწინებისა და მისი უკუშედეგების შესახებ.

ღონისძიების ფარგლებში, მარნეულის საჯარო ბიბლიოთეკაში გაიმართა შეხვედრა თემაზე „ადრეული ქორწინების მიზეზები და შედეგები“, რომელსაც უძღვებოდა სახალხო დამცველის წარმომადგენელი ქვემო ქართლში მარიამ გვიდიანი.

შეხვედრას ესწრებოდნენ ადგილობრივი თვითმმართველობის თანამშრომლები, სკოლის დირექტორები, მოსწავლეები, მშობლები, მარნეულის მუნიციპალიტეტის გენდერული საბჭოს წევრები და სხვა დაინტერესებული პირები.

იმავე დღეს, კულტურის სახლის ფოიეში მოეწყო სტუდია „ქელას“ თემატური ფოტოგამოფენა, რომელიც ასახავდა ადრეული ქორწინების შედეგებს.