სახელმწიფოს ხელშეწყობით, „ერთიანი აგროპროექტის“ ფარგლებში, მარნეულის მუნიციპალიტეტში თანამედროვე სტანდარტებით აღჭურვილი სასათბურე მეურნეობა - შპს „მზა ჩითილი“ გაიხსნა.
მეურნეობაში, სადაც 30 ადამიანია დასაქმებული, წლიურად 30 მილიონი ჩითილის წარმოებაა შესაძლებელი. პროდუქციის რეალიზაცია ადგილობრივ ბაზარზე ხდება.
კომპანია პროექტის „შეღავათიანი აგროკრედიტი“ ბენეფიციარია. საწარმოში ჯამურად 1 584 000 აშშ დოლარი ინვესტიცია განხორციელდა, აქედან, 442 000 აშშ დოლარს შეღავათიანი აგროკრედიტი შეადგენს.
კომპანია „მზა ჩითილი“ ინოვაციური ტექნოლოგიების გამოყენებით ქართველ ფერმერებს მოამარაგებს დიდი რაოდენობის ჯანსაღი და ხარისხიანი ბოსტნეულის და ყვავილების ნერგებით. ანალოგიური საწარმო ჩვენს ქვეყანაში დღემდე არ არსებობდა და ქართველ მეწარმეებს მსგავსი ჩითილების შეძენა მხოლოდ უცხოეთიდან უწევდათ.
სასათბურე მეურნეობა სოფლის მეურნეობის სამინისტროს წარმომადგენლებმა, პროექტების მართვის სააგენტოს დირექტორმა რევაზ ასათიანმა, მარნეულის მუნიციპალიტეტის მერმა თემურ აბაზოვმა, საკრებულოს თავმჯდომარე ამირან გიორგაძემ, მისმა მოადგილემ მამუკა ნავერიანმა, პარლამენტის წევრმა რუსლან გაჯიევმა, ქვემო ქართლის გუბერნატორის მოადგილემ ზაურ დარგალმა, თვითმმართველობის სხვა ხემძღვანელმა პირებმა და მოწვეულმა სტუმრებმა დაათვალიერეს. ღონისძიებას მოწვეული სტუმრის სტატუსით ესწრებოდა მარნეულისა და ჰუჯაბის ეპისკოპისი მეუფე გიორგი.
აღსანიშნავია, რომ სოფლის მეურნეობის პროექტების მართვის სააგენტო, „აწარმოე საქართველოში - ბიზნესის“ ფარგლებში, ახორციელებს „ერთიან აგროპროექტს“, რომელიც გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას და სურსათის უვნებლობის საერთაშორისო სტანდარტების დანერგვას უზრუნველყოფს.
სიახლეები
მარნეულში სასათბურე მეურნეობა - შპს „მზა ჩითილი“ გაიხსნა
23 თებ 2018
მნახველთა რაოდენობა: 6947
სიახლეები
აპრ 22 ოთხ 2020
15246
აპრ 22 შბ 2017
28398
იან 09 ორშ 2017
28031
აგვ 30 სამ 2016
30101
აგვ 27 შბ 2016
29381
სექ 02 პარ 2016
27709
აგვ 26 პარ 2016
27262
აგვ 30 სამ 2016
25455
აგვ 25 ხუთ 2016
27484