15 თებერვალს, მარნეულის მუნიციპალიტეტის მერი თემურ აბაზოვი მოადგილეებთან  და საკრებულოს  თავმჯდომარე  ამირან გიორგაძესთან ერთად საქართველოს განათლებისა და მეცნიერების სამინისტროს, სსიპ ზურაბ ჟვანიას სახელობის სახელმწიფო ადმინისტრირების სკოლის დირექტორს ქეთი მახარაშვილს, სკოლის ადმინისტრაციის და რეგიონალური სასწავლო ცენტრის წარმომადგენლებს შეხვდნენ.
შეხვედრა გაცნობითი ხასიათის იყო. ჟვანიას სკოლის წარმომადგენლებმა თვითმმართველობის ხელმძღვანელ პირებს დეტალურად გააცნეს  სკოლაში არსებული პროგრამები და სამომავლო გეგმები. შეხვედრაზე ასევე, ისაუბრეს  თვითმმართველობაში დასაქმებულ პირთა პროფესიული დონის ამაღლებაზე, სადაც ასევე გამახვილდა ყურადღება საჯარო მოხელეთა კვალიფიკაციის ამაღლების კუთხით საჭიროებების გამოვლენაზე და სამომავლო თანამშრომლობაზე.