მარნეულის მუნიციპალიტეტში,  მონუმენტური ძეგლის „კიდევაც დაიზრდებიან“ მიმდებარე ტერიტორიაზე თანამედროვე დიზაინის  სკვერი მოეწყობა.
აღნიშნულთან დაკავშირებით, დღეს მარნეულის მერმა თემურ აბაზოვმა,  საქართველოს კულტურული მემკვიდრეობის დაცვის ეროვნული  სააგენტოს წარმომადგენლებთან სამუშაო შეხვედრა გამართა, რომელსაც საკრებულოს თავმჯდომარე ამირან გიორგაძე, მისი მოადგილე მამუკა ნავერიანი, მერის მოადგილეები ზაურ ტაბატაძე და ლაშა ლობჯანიძე და მერიის შესაბამისი სამსახურის წარმომადგენლები ესწრებოდნენ.
სამუშაო შეხვედრაზე განიხილეს სკვერის  მოწყობასთან დაკავშირებული დეტალები,  საკონკურსო პირობების განსაზღვრის მიზნით. კულტურული მემკვიდრეობის დაცვის ეროვნული  სააგენტოს რეკომენდაციების შემდგომ გამოცხადდება კონკურსი, რომლის   მეშვეობით მომზადდება საპროექტო სახარჯთაღრიცხვო დოკუმენტაცია და  შემუშავდება  სკვერის მოწყობის  დიზაინი.
პროექტისთვის, ადგილობრივ  ბიუჯეტში  500 000 ლარია გათვალისწინებული.