დღეს, მარნეულის მუნიციპალიტეტის მერმა თემურ აბაზოვმა მერიის თანამშრომლებს მოადგილეები წარუდგინა.
მერმა პირველ მოადგილედ ზაურ ტაბატაძე დაასახელა, მეორე მოადგილის ადგილი კი ლაშა ლობჯანიძემ დაიკავა. რაც შეეხება მესამე მოადგილეს მისი ვინაობა უახლოეს მომავალში გახდება ცნობილი.
შეგახსენებთ, რომ ზაურ ტაბატაძე წლების განმავლობაში მარნეულის მუნიციპალიტეტის გამგებლის პირველი მოადგილის თანამდებობას იკავებდა. ლაშა ლობჯანიძეს საჯარო სექტორში მუშაობის მრავალწლიანი გამოცდილება აქვს. იგი ამ დრომდე ქვემო ქართლის სახელმწიფო რწმუნებულის ადმინისტრაციაში რეგიონული პროექტების კოორდინირების სამსახურის უფროსად მუშაობდა.
მარნეულის მუნიციპალიტეტის მერის მოადგილეების წარდგენას ქვემო ქართლის გუბერნატორი გრიგოლ ნემსაძე, მარნეულის საკრებულოს თავმჯდომარე ამირან გიორგაძე და საკრებულოს კომისიების თავმჯდომარეები ესწრებოდნენ.