დღეს, მარნეულის მუნიციპალიტეტის გამგებელი მერაბ თოფჩიშვილი, თვითმმართველობის ხელმძღვანელ პირებთან ერთად საქართველოში აშშ-ს საელჩოს კულტურისა და განათლების ატაშეს დემიენ უომპლერს, კულტურული პროგრამების კოორდინატორს თამარ რთველიაშვილს და ამერიკული მუსიკალურ ბენდის ჰანტერტონის (Huntertones ) წარმომადგენლებს შეხვდა.

მუსიკალური ბენდი ჰანტერტონი (Huntertones ) წელს ფესტივალზე „ერთიანი კავკასია“ (One Caucasus) პირველად მიიღებს მონაწილეობას, რომლის ჩამოყვანა საქართველოში დემიენ უომპლერის ინიციატივითა და საქართველოში აშშ-ს საელჩოს დახმარებით განხორციელდა.
ბენდის შესახებ ინფორმაცია შეგიძლიათ იხილოთ მითითებულ ლინკზე:
http://www.huntertones.com/
შეხვედრაზე გამგებელმა სტუმრებს გააცნო მარნეულში მიმდინარე კულტურულ სფეროში არსებული სიახლეები, ისაუბრა ფესტივალის განხორციელების მნიშვნელობაზე და მის დადებით მხარეებზე, ტურმიზის განვითარებასა და მუნიციპალიტეტში მიმიდნარე სხვადასხვა სიახლეებზე.
„ფესტივალი „ერთიანი კავკასია“ ხელს უწყობს უსაფრთხო და თავისუფალი სივრცის შექმნას და ერების მეგობრული ურთიერთობის ჩამოყალიბებასა და დაახლოებას, ამასთან ფესტივალი ზრდის მარნეულის მუნიციპალიტეტის პოპულარიზაციას მსოფლიო მასშტაბით. მინდა დიდი მადლობა გადავუხადო საქართველოში აშშ-ს საელჩოს წარმომადგენლობას, მხარში დგომისთვის და აღვნიშნო ის ფაქტი, რომ აშშ-ს საელჩო ნებისმიერ სიტუაციაში, ყოველთვის მხარში გვიდგას. ჩემთვის სასიხარულოა, რომ მარნეულის მუნიციპალიტეტი უმასპინძლებს ბენდს ჰანტერტონს (Huntertones ). დიდი მადლობა აქ ჩამობრძანებისთვის და ფესტივალით დაინტერესბიტვის.“ – განაცხადა მუნიციპალიტეტის გამგებელმა მერაბ თოფჩიშვილმა.
შეხვედრის ბოლოს მუნიციპალიტეტის გამგებლმა სტუმრებს მადლობა გადაუხადა წარმატებები უსურვა.