დღეს მარნეულის მუნიციპალიტეტის მეხუთე მოწვევის საკრებულომ ბოლო სხდომა გამართა. მიმდინარე წელს დაგეგმილ მე-20 სხდომას, რომელსაც საკრებულოს თავმჯდომარე ნაბი აბდულაევი ხელმძღვანელობდა, დეპუტატებმა დღის წესრიგით გათვალისწინებულ ხუთ საკითხზე იმსჯელეს და წარმოდგენილთაგან მხარი ყველა საკითხს დაუჭირეს. საკრებულოს სხდომას ასევე ესწრებოდა ახლადარჩეული მერი თემურ აბაზოვი. საკრებულოს თავმჯდომარემ ნაბი აბდულაევმა, დეპუტატებს გაწეული სამუშაოსთვის მადლობა გადაუხადა და მომავალი საკრებულოს შემადგენლობას წარმატება უსურვა. სხდომის დასრულების შემდეგ დეპუტატებმა სამახსოვრო ფოტოებიც გადაიღეს. მოგახსენებთ, რომ მეექვსე მოწვევის საკრებულო, რომელიც 2017 წლის 21 ოქტომბრის ადგილობრივი თვითმმართველობის არჩევნების შედეგად აირჩა, უფლებამოსილების განხორციელებას უახლოეს პერიოდში შეუდგება.