დღეს, მარნეულის მუნიციპალიტეტის მერიაში, პროექტ  „წყალი სიღარიბის აღმოსაფხვრელად“ და "საქართველოს WASH (წყალი, სანიტარია და ჰიგიენა) სათემო ინიციატივის“  წარმომადგენლები, ახლადარჩეულ მერს,  ზაურ დარგალს შეხვდნენ, სადაც წარმოადგინეს   პროექტის პრეზენტაცია და აგრეთვე, მუნიციპალიტეტთან, ამ ეტაპამდე   ერთობლივად გაწეული  სამუშაოები შეაჯამეს.

შეხვედრას მერის მოადგილე ლაშა ლობჯანიძე, მერიის თანამშრომლები და      WASH - ის საბჭოს წევრები ესწრებოდნენ, სადაც საუბარი შეეხო აღნიშნული საბჭოს შემადგენლობის გადახალისების საკითხსაც.

შეხვედრის  ფარგლებში  მხარეებმა  ასევე  იმსჯელეს  პროექტით გათვალისწინებულ სამომავლო გეგმებსა და  პრიორიტეტულ საკითხებზე.

მოგეხსენებათ, რომ  პროექტის ძირითადი მიზანია სოციალურად დაუცველი მრავალეთნიკური თემების ჯანმრთელობის დაცვისა და საცხოვრებელი პირობების გაუმჯობესების ხელშეწყობა, დისკრიმინაციის თავიდან აცილება, წყალთან ხელმისაწვდომობის უზრუნველყოფა და WASH სტანდარტების დამკვიდრება დაინტერესებული მხარეების ჩართულობის გზით.