მარნეულის მუნიციპალიტეტში, „სოფლის მხარდაჭერის პროგრამის“ ფარგლებში, სოფლის კრებების/კონსულტაციების გამართვა დაიწყო.

აღნიშნული პროგრამის ფარგლებში, მოსახლეობა დასახლებების მიხედვით განსაზღვრავს, თუ რა ტიპის პროექტის განხორციელებას დაუჭერენ მხარს, საკუთარ სოფელში.

აღსანიშნავია, რომ ამ ეტაპისთვის კრებები/კონსულტაციები მუნიციპალიტეტის ყველა ადმინისტრაციულ ერთეულში გაიმართება. მოსახლეობასთან შეხვედრები უკვე შედგა სამ ადმინისტრაციულ ერთეულში - ალგეთში, დამია-გეურარხისა და კაჩაგანში შემავალ სოფლებში.

აღსანიშნავია, რომ მარნეულის მუნიციპალიტეტისთვის საერთო თანხიდან გამოყოფილია 1 232 000  ლარი, რომლითაც სხვადასხვა ინფრასტრუქტურული პროექტები დაფინანსდება.