მარნეულის მუნიციპალიტეტში ბავშვთა დაცვის საერთაშორისო დღე აღნიშნეს. სხვადასხვა ღონისძიებები მარნეულის კულტურის ცენტრის ორგანიზებით გაიმართა.
ქ. მარნეულში კულტურის სახლის მიმდებარე სკვერში პატარებს 11:00 საათიდან მრავალფეროვანი აქტივობები დახვდათ წარმოდგენილი, როგორიცაა: ხატვის, ძერწვის და ქვიშის კუთხე; ჭადრაკის კუთხე; სხვადასხვა მხიარული თამაშობები; ანიმატორების შოუ; „კულტურის ცენტრთან“ არსებული ვოკალურ - ინსტრუმენტული ჯგუფების კონცერტი. აქვე გაიმართა ანიმაციური ფილმების და თოჯინების სპექტაკლის „სამი გოჭი“-ის ჩვენება, ასევე სახალისო მეცნიერებათა მუზეუმის „ექსპერიმენტარიუმი“-ის მეგაშოუ.
აღსანიშნავია, რომ მარნეულის საჯარო ბიბლიოთეკამ სოფელ ოფრეთის საჯარო სკოლის აქციას „მე ვხატავ შენთვის“ უმასპინძლა, სადაც სკოლის მოსწავლეების ნახატების გამოფენა-გაყიდვა მოეწყო. ასევე, მარნეულის საჯარო ბიბლიოთეკის ბავშვთა ოთახის სპეციალისტმა, ახალი პროექტის ფარგლებში „წაუკითხე ხალხური ზღაპარი“, ბიბლიოთეკაში სტუმრად მისულ პატარებს, სხვადასხვა ზღაპრები წაუკითხა.
ღონისძიებების ფარგლებში, მარნეულის საჯარო ბიბლიოთეკის საკონფერენციო დარბაზში, სახალხო დამცველის აპარატის მიერ ორგანიზებული სემინარი გაიმართა, რომელიც ბავშვთა უფლებებს შეეხებოდა.
დღესვე, ავერსის კლინიკაში რეაბილიტაციაზე მყოფ ბავშვებს, კლინიკის მენეჯმენტთან ერთად, პირველი ივნისი მარნეულის მერიის წარმომადგენლებმაც მიულოცეს.
ღონისძიების პარტნიორი ორგანიზაციები იყვნენ: საქართველოს წითელი ჯვრის მარნეულის ფილიალი; საქართველოს სახალხო დამცველის აპარატის ქვემო ქართლის ოფისი; მრავალპროფილური სამკურნალო - დიაგნოსტიკური დაწესებულება „ავერსის კლინიკა“.
ღონისძიებაში მონაწილეობდნენ: მრნეულის მუნიციპალიტეტის სპორტსკოლა; შულავერში მდებარე “Studio Hobby House”; ორგანიზაცია “Dream partners”.
ბავშვთა დაცვის საერთაშორისო დღესთან მიძღვნილ ღონისძიებებს მარნეულის მუნიციპალიტეტის მერის მოადგილე ლაშა ლობჯანიძე და მერიისა და საკრებულოს თანამებობის პირები ესწრებოდნენ.
სიახლეები
მარნეულში ბავშვთა დაცვის საერთაშორისო დღე აღნიშნეს
01 ივნ 2019
მნახველთა რაოდენობა: 5646
სიახლეები
აპრ 03 ოთხ 2024
420
აპრ 22 ოთხ 2020
15590
აპრ 22 შბ 2017
28814
იან 09 ორშ 2017
28373
აგვ 30 სამ 2016
30379
აგვ 27 შბ 2016
29667
სექ 02 პარ 2016
28080
აგვ 26 პარ 2016
27585
აგვ 30 სამ 2016
25724