დღეს, მარნეულმა, საქართველოს ეროვნულ ინტელექტ-ჩემპიონატს უმასპინძლა, რომელიც გამორჩეული ახალგაზრდების მონაწილეობით, მარნეულის N8 საჯარო სკოლაში ჩატარდა და მას პროექტის ავტორი გოჩა ტყეშელაშვილი უძღვება.
ღონისძიებას მარნეულის მუნიციპალიტეტის მერის მოვალეობის შემსრულებელი ზაურ ტაბატაძე, მერიის თანამშრომლებთან ერთად, რესურსცენტრის უფროსი ქენან ომაროვი, სკოლის დირექტორები, მასწავლებლები, მოსწავლეები და მათი მშობლები ესწრებოდნენ.
დღევანდელი შეჯიბრის გამარჯვებული მარნეულის მუნიციპალიტეტის N4 საჯარო სკოლის მოსწავლე, აისელ ახმედოვა გახდა, რომელსაც „მარნეულის ეტალონი მოსწავლის“ ტიტული მიენიჭეა და იგი საქართველოს ეროვნული ინტელექტ-ჩემპიონატის გრანდიოზულ ფინალში მიიღებს მონაწილეობას.
ინტელექტ-ჩემპიონატის დაწყებამდე გოჩა ტყეშელაშვილმა „2017-2018 სასწავლო წლის მარნეულის ეტალონ მოსწავლეს“, მილენა ადამიანს გამარჯვება კიდევ ერთხელ მიულოცა და სკოლის ღირსეული წარმოჩენისთვის ოქროს ფონდის წევრობის დამადასტურებელი დიპლომი გადასცა. მის მშობლიურ შაუმიანის N1 საჯარო სკოლას კი - დიპლომი „ეტალონი მოსწავლის“ აღზრდისთვის.
აღსანიშნავია, რომ მარნეულს ღონისძიებაზე საგანმანათლებლო ინოვაციების თანამოაზრეობისა და გამორჩეული გულშემატკივრობისთვის „უმაღლესი ხარისხის მუნიციპალიტეტის“ წოდება მიენიჭა.
„ეტალონი“ 2018-2019 სასწავლო წელს საქართველოს ყველა ქალაქსა და მუნიციპალიტეტს ესტუმრება და „ეტალონ მოსწავლეებს“ ადგილზევე გამოავლენს.
სიახლეები
მარნეულმა საქართველოს ეროვნულ ინტელექტ-ჩემპიონატს უმასპინძლა
08 თებ 2019
მნახველთა რაოდენობა: 6024
სიახლეები
აპრ 03 ოთხ 2024
321
აპრ 22 ოთხ 2020
15517
აპრ 22 შბ 2017
28704
იან 09 ორშ 2017
28300
აგვ 30 სამ 2016
30323
აგვ 27 შბ 2016
29614
სექ 02 პარ 2016
27997
აგვ 26 პარ 2016
27504
აგვ 30 სამ 2016
25673