24 აგვისტოს, პროექტ „სამოქალაქო ბიუჯეტის“ ფარგლებში პოლონური ორგანიზაცია „სოლიდარობის ფონდის“ წარმომადგენელი ბარბარა კაჩმარჩიკი პოლონელ ექსპერტებთან ერთად მარნეულს ეწვია, რომელიც მარნეულის მუნიციპალიტეტის გამგებელს, მერაბ თოფჩიშვილს, გამგეობის ხელმძღვანელ პირებს და პროექტში ჩართულ კოორდინატორებს შეხვდა.
შეხვედრაზე გამგებელმა სტუმრებს გააცნო მარნეულში მიმდინარე სხვადასხვა სფეროში არსებული სიახლეები, ისაუბრა მოქალაქეთა ჩართულობის ახალ მექანიზმებზე, აღნიშნული პროექტის მნიშვნელობაზე, მის დადებით მხარეებსა და ტურიზმის განვითარებაზე. ასევე, შეეხო პოლონურ–ქართულ ურთიერთობებს და ამ ორ ქყვეყანას შორის მეგობრობის გაღრმავებას და პოლონეთისა და მარნეულის მუნიციპალიტეტის სამომავლო ურთიერთთანამშრომლობის გეგმებზე.
ვიზიტის ფარგლებში ბარბარა კაჩმარჩიკი გაეცნო პროექტ „სამოქალაქო ბიუჯეტის“ მარნეულის მოდელს და მის მიმდინარეობას.
პოლონელი სტუმარი ასევე დაესწრო პროექტში ჩართულ ადგილობრივ კოორდინატორებთან სამუშაო შეხვედრას, სადაც კოორდინატორებს, გააცნეს „სამოქალაქო ბიუჯეტის“ მხადამჭერი საბჭოს მიერ შეფასებული პროექტების შედეგები; პროექტების ჩამონათვალი და სტატისტიკურ მონაცმები; ასევე, ისაუბრეს პროექტის მომდევნო ეტაპზე, პრიორიტეტული პროექტების ხმის მიცემის/ შერჩევის პრინციპებსა და სხვა მნიშვნელოვან საკითხებზე.
სამუშაო შეხვედრის შემდეგ ბარბარა კაჩმარჩიკმა გამგებელთან, პირველ მოადგილესთან ზაურ ტაბატაძესთან და გამგეობის თანამშრომლებთან ერთად „სამოქალაქო ბიუჯეტის“ ფარგლებში განხორციელებული და ადგილობრივი ბიუჯეტით დაფინანსებული სხვა მასშტაბური ინფრასტრუქტურული პროექტები მოინახულა.