29 მარტს, მარნეულის მუნიციპალიტეტს პოეტი ტარიელ ხარხელაური სტუმრობდა. იგი მარნეულის საჯარო ბიბლიოთეკის, პროექტის „ქართველი მწერლები“-ის ფარგლებში, სოფელ ხოჯორნის საჯარო სკოლის მოწვევით, ბიბლიოთეკის დარბაზში, სპეციალურად მისთვის გამართულ ღონისძიებას დაესწრო.

პოეზიის საღამოში ხოჯორნის, ოფრეთისა და ახკერპის საჯარო სკოლის მოსწავლეები მონაწილეობდნენ, რომლებმაც პოეტის ლექსები მაყურებელს გააცნეს, ხოლო კულტურის ცენტრის შემოქმედებითმა ჯგუფმა ტარიელ ხარხელაურის პოეზია მუსიკალური პოეზიის სახით წარუდგინა დამსწრე საზოგადოებას. პოეტმა თავის შემოქმედებიდან რამდენიმე ლექსი მაყურებელს თავად წაუკითხა.

ღონიძიებას მარნეულის მუნიციპალიტეტის საკრებულოს თავმჯდომარე ამირან გიორგაძე, მარნეულის მერიის ხელმძღვანელი პირები და სხვა მოწვეული სტუმრები ესწრებოდნენ.