დღეს, პროექტ - „საინტერესო ადამიანები, საინტერესო თემებით“ ფარგლებში გამართულ საჯარო ლექციას მარნეულის მუნიციპალიტეტის მერის მოვალეობის შემსრულებელი ზაურ ტაბატაძე დაესწრო.

პროექტის ფარგლებში, მარნეულელ ახალგაზრდებთან ბოლო ლექციას, თეატრმცოდნე, ლაშა ჩხარტიშვილი უძღვებოდა.

ზაურ ტაბატაძემ დამსწრე საზოგადოებასთან, აღნიშნული პროექტი დადებითად შეაფასა და საზოგადოებაში ხელოვნების როლის მნიშვნელობაზე ისაუბრა.

აღსანიშნავია, რომ პროექტის შემაჯამებელი შეხვედრა, უახლოეს დღეებში გაიმართება, რომელსაც სამივე ტრენერი - თეატრმცოდნე ლაშა ჩხარტიშვილი, კინომცოდნე, ხელოვნებათმცოდნეობის დოქტორი - ლელა ოჩიაური და თავისუფალი თეატრის მსახიობი თამუნა ნიკოლაძე დაესწრება.

მოგახსენებათ, რომ იდეამ, რომელიც მუნიციპალიტეტის კულტურის ცენტრს ეკუთვნის, სხვადასხვა სკოლის მოსწავლეები ერთ თვის განმავლობაში, საჯარო ბიბლიოთეკის სივრცეში გააერთიანა, სადაც ინტენსიურად ეწყობოდა ლექცია და დისკუსიები მათი შემეცნებითი თვალსაწიერის გაფართოების, ხელოვნების პროპაგანდისა და ცხოვრების გამრავალფეროვნების მიზნით.