დღეს, მარნეულის მუნიციპალიტეტის სოფელ წოფის საჯარო სკოლას, შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი, სახელმწიფო რწმუნებულთან შოთა რეხვიაშვილთან და ადგილობრივი ხელისუფლების წარმომადგენლებთან ერთად ეწვია, სადაც პედაგოგებსა და მოსწავლეებს შეხვდა.
სახელმწიფო მინისტრი რამდენიმე გაკვეთილს დაესწრო და აღნიშნა, რომ სოფელს სულ მალე ახალი, თანამედროვე სტანდარტების შესაბამისი სკოლა ექნება. სკოლის ასაშენებლად გამოცხადებული ტენდერი რამდენიმე დღეში დასრულდება, რის შემდეგაც მშენებლობა დაიწყება.
„ძალიან მიხარია, რომ დღეს მარნეულის რაიონის სოფელ წოფში ვიმყოფები. ეს გამორჩეული სოფელია, ვინაიდან აქ ეთნიკურად აზერბაიჯანელი და სომეხი ჩვენი თანამოქალაქეები უკვე დიდი ხანია ერთად ცხოვრობენ. თავადვე ამბობენ, რომ ერთი ოჯახივით. ეს ძალიან კარგი ტრადიციაა. რეალურად, ესაა სახე ჩვენი სამშობლოსი-საქართველოსი და ჩვენი მთავარი ამოცანაც, რომ საზოგადოების კონსოლიდაცია და ინტეგრაცია მოხდეს იმ მრავალფეროვნებისა და ტოლერანტობის პრინციპების დაცვით, რომელიც საუკუნეების განმავლობაში გამყარებულია. სოფელი წოფი არის ამისი თანამედროვე მაგალითი და გამოხატულება. ამ სკოლაშიც სომეხი და აზერბაიჯანელი ბავშვები ერთად სწავლობენ.
„ამ ადგილიდან კიდევ ერთხელ უნდა ვთქვათ ის, რომ სახელმწიფოს პოლიტიკა და ნებისმიერი მოქალაქის ქმედებები თუ განცხადებები სწორედ სამოქალაქო ინტეგრაციის ამოცანებს უნდა ემსახურებოდეს. ნებისმიერი სხვა რამ, რაც ამ ამოცანების წინააღმდეგაა მიმართული, ან რამენაირად საფრთხეს უქმნის ჩვენი ქვეყნისთვის ყველაზე მნიშვნელოვანს - წინსვლასა და განვითარებას, სრულიად მიუღებელია. ამავე კონტექსტში, ცხადია, ნებისმიერი გარე, პრობლემური და თუნდაც მნიშვნელოვანი, მაგრამ სენსიტიური თემის შიდა კონტექსტში შემოტანა და პოლიტიზირება, რა თქმა უნდა, დაუშვებელია. საერთო მიზნებისაკენ -სამოქალაქო ინტეგრაციის, საზოგადოებრივი კონსოლიდაციისა და ჩვენი შვილების უკეთესი მომავლისკენ მაღალი მოქალაქეობრივი პასუხისმგებლობით უნდა ვიმოძრაოთ,“ - განაცხადა ქეთევან ციხელაშვილმა.
სახელმწიფო მინისტრმა პირველკლასელ მოსწავლეებს სიმბოლური საჩუქრები გადასცა. დაიგეგმა მოსწავლეების გაცნობითი ტური თბილისში, რომლის ფარგლებში ისინი სახელმწიფო უწყებებსაც ესტუმრებიან.
სკოლაში ვიზიტის შემდეგ სახელმწიფო მინისტრის სოფლის მოსახლეობასაც შეხვდა რომელთაგანაც სოფლის საჭიროებებზე, განსახორციელებელ ინფრასტრუქტურულ პროექტებსა და მათ წინაშე მდგარ გამოწვევებზე მიიღო ინფორმაცია.
სიახლეები
წოფის სკოლას ხელისუფლების წარმომადგენლები ეწვივნენ
06 თებ 2019
მნახველთა რაოდენობა: 5958
სიახლეები
აპრ 03 ოთხ 2024
319
აპრ 22 ოთხ 2020
15515
აპრ 22 შბ 2017
28704
იან 09 ორშ 2017
28298
აგვ 30 სამ 2016
30320
აგვ 27 შბ 2016
29613
სექ 02 პარ 2016
27997
აგვ 26 პარ 2016
27498
აგვ 30 სამ 2016
25673