მიმდინარე წლის 27–31 ივლისს მარნეულის მუნიციპალიტეტის „კულტურის ცენტრთან” არსებული ბენდი „Red Carpet” ქობულეთში ხელოვნების მე-14 საერთაშორისო ფესტივალ-კონკურსში „ნარინჯისფერი ქობულეთი“ მიიღო მონაწილოება და ფესტივალის უმაღლესი ჯილდოს, გრანპრის მფლობელი გახდა.
აღსანიშნავია, რომ ფესტივალში მონაწილეობდნენ როგორც საქართველოს სხვადასხვა რეგიონში, ასევე საზღვარგარეთის ქვეყნებში მოღვაწე წამყვანი ვოკალური,საესტრადო,ფოლკლორული და ქორეოგრაფიული კოლექტივები. ბენდმა „ნარინჯისფერი ქობულეთის“ გარდა, ფესტივალ „შავი ზღვის ვარსკვლავშიც” მიიღო მონაწილეობა, სადაც პირველი ადგილი დაიკავა. კულტურის ცენტრთან არსებული ბენდი მრავალი კონკურსის გამარჯვებულია. ბენდი დაკომლექტებულია 6 მუსიკოსისაგან და უკვე წელიწადზე მეტია ანებივრებს მსმენელს გემოვნებიანი მუსიკით. ბენდს ხელმძღვანელობს ამირან ნასყიდაშვილი. მარნეულის მუნიციპალიტეტის თვითმმართველობა ულოცავს ,,Red Carpet''-ს მიღწეულ შედეგებს და უსურვებს წარმატებას!