ქვემო ქართლში სახელმწიფო რწმუნებულმა მარნეულში ინფრასტრუქტურული პროექტები მოინახულა

ქვემო ქართლში სახელმწიფო რწმუნებულმა შოთა რეხვიაშვილმა, მარნეულის მერის მოვალეობის შემსრულებელ ზაურ ტაბატაძესთან და მუნიციპალიტეტის ხელმძღვანელ პირებთან ერთად სოფელ ხიხანში და ქალაქ მარნეულში მიმდინარე ინფრასტრუქტურული სამუშაოები მოინახულა.

შეგახსენებთ, რომ სოფელ შაუმიანი-ხიხანის დამაკავშირებელი გზის მოასფალტება, შ.პ.ს "ქცია"-მ გასული წლის ბოლოს დაიწყო და 2 229 გრძივი მეტრის გზა მაისის თვეში დასრულდება. პროექტის სახელშეკრულებლო ღირებულება 628 830 ლარს შეადგენს.

ასევე, ქალაქ მარნეულში მიმდინარეობს წმინდა გიორგის ტაძრამდე ბეტონის გზის მოწყობა. 580 მეტრი სიგრძის გზას შ.პ.ს. "პრიორიტეტი +" აკეთებს, ხოლო არსებული პროექტის ღირებულება 318 318 ლარია.