მარნეულის მუნიციპალიტეტი
ოფიციალური ვებგვერდი
ცხელი ხაზი
ინფრასტრუქტურული პროექტები

 

ქუთლიარში ახალი სატუმბი სადგურის აშენება იგეგმება
21 აგვ 2018
 

მარნეულის მუნიციპალიტეტის ქუთლიარის ადმინისტრაციულ ერთეულში ახალი სატუმბი სადგური აშენდება. ამჟამად, ბოლნისის, დმანისის და მარნეულის მუნიციპალიტეტების მიერ ერთობილივი გამოცხადებული ტენდერი, 2019 წელს განსახორციელებელი წყალმომარაგებისა და წყალარინების ქსელების (სისტემების) მოწყობისა და რეაბილიტაციისათვის საჭირო საპროექტო-სახარჯთაღრიცხვო დოკუმენტაციის შედგენის მომსახურებაზე, დასრულებულია. მიმდინარეობს წარმოდგენილი სატენდერო წინადადებების შერჩევა–შეფასება.

აღნიშნულთან დაკავშირებით, უშუალოდ სატუმბი სადგურის ასაშენებლ ტერიტორიაზე იმყოფებოდნენ მერიის სივრცითი მოწყობისა და ინფრასტრუქტურის სამსახურის უფროსი ლერი ფანგანი, ეკონომიკური განვითარების დაგეგმვისა და სტატისტიკის განყოფილების უფროსი დავით ხარშილაძე, შ.პ.ს „მარნეულის სოფწყალის“ ხელმძღვანელი ნაბი აბდულაევი და გაერთიანებული წყალმომარაგების კომპანიის წარმომადგენელი. მათ ადგილზე განიხილეს სატუმბი სადგურის ასაშენებლი ტექნიკური დეტალები.

სამშენებლო სამუშაოებისთვის ადგილობრივი ბიუჯეტიდან დაახლოებით 5 მლნ ლარი დაიხარჯება.

აღნსანიშნავია, რომ სატუმბი სადგურის აშენების შემდგომ მარნეულის მუნიციპალიტეტი თვითონ მოახდენს შემდეგი სოფლების ალგეთის, აზიზკენდის, თაზაქენდის, გაჯისაკენდის, ბაიდარის, კაპანახჩის, ალგეთის მეურნეობის დასახლების, I ქესალოს და ამბაროვკის მოსახლების მაღალი ხარისხის სასმელი წყლით მომარაგებას.

აღნიშნულ სოფლებში, პრიორიტეტულ საკითხს მოსახლეობისთვის სასმელი წყლის შეუფერხებლად მიწოდება წარმოადგენს, რაც ადგილობრივი თვითმმართველობისთვის ერთ–ერთ მთავარ გამოწვევად რჩება. შეგახსენებთ, რომ ზემოთ ხსენებულ სოფლებს, სასმელი წყლით წყალმომარაგების კომპანია შ.პ.ს „რუსთავ წყალი“ ამარაგებდა, რომელმაც აღნიშნულ სოფლებს წყალმომარაგება დავალიანების გადაუხდელობის გამო შეუწყვიტა, რომელიც 2009 წლიდან ირიცხებოდა. საკითხი ქვემო ქართლში სახელმწიფო რწმუნებულ-გუბერნატორის ადმინისტრაციის აქტიური ჩართულობით, კომპანია „რუსთავის წყალი“-ს წარმომადგენლებსა და ადგილობრივ მუნიციპალიტეტს შორის მიმდინარე ინტენსიური მოლაპარაკებების შედეგად დადებითად გადაწყდა და წლების განმავლობაში გადაუჭრელი პრობლემა მოგვარდა.

შ.პ.ს „რუსთავწყალმა“ შ.პ.ს „სოფწყალს“ იჯარით გადასცა მის საკუთრებაში არსებული სატუმბი სადგურიდან გამავალი 800 მმ–იანი მილმდენი მოწყობილობა, რომლის ექსპლუატაციასაც სრულად უზურნველყოს შ.პ.ს „სოფწყალი“.

შეხვედრის მონაწილეებმა, იმავე დღეს აღნიშნული 800 მმ–იანი მილმდენი მოწყობილობის სარეაბილიტაციო სამუშაოები მოინახულეს, აბონენტებს შეხვდნენ და წყლის საფასურთან და გამრიცხველიანებასთან დაკავშირებით მიაწოდეს ინფორმაცია.


 
 
მნახველთა რაოდენობა: 1102
 
 
 
ინფრასტრუქტურული პროექტები
თებ 21 ხუთ 2019
573
 
     
    სიახლეები
    2019 ივლისი
    ორშსამოთხხუთპარშბკვ
    1234567
    891011121314
    15161718192021
    22232425262728
    293031