გაცნობებთ, რომ მარნეულის მუნიციპალიტეტის ადგილობრივი თვითმმართველობის მუდმივმოქმედი საკონკურსო-საატესტაციო კომისიის მიერ მიღებულ იქნა გადაწყვეტილება გამოცხადებული კონკურსის დასრულების თაობაზე. კონკურსის შედეგები წარმოდგენილია დანართის შესაბამისად, იმ პოზიციების მიხედვით რომელზედაც მიღებული იქნა დადებითი გადაწყვეტილება დაწესებულების ხელმძღვანელისათვის კანდიდატის წარდგენის თაობაზე (კონკურსანტის იდენტიფიცირება შესაძლებელია პირადი ნომრის მიხედვით). კონკურსანტებს კონკურსის შედეგების თაობაზე ინფორმაცია ეცნობებათ მათ მიერ მითითებული ელექრონული ფოსტის მისამართზე და საჯარო სამსახურის ბიუროს მიერ ადმინისტრირებულ ვებ–გვერდზე (www.hr.gov.ge) რეგისტირებულ კონკურსანტის პირად პროფილზე. კონკურსანტებმა ინფორმაციის მიღებიდან 14 დღის ვადაში უნდა წარმოადგინონ განცხადება დაწესებულების ხელმძღვანელის სახელზე, მოთხოვნილ დოკუმენტებთან ერთად.

ამასთანავე გაცნობებთ, რომ კანდიდატს საპრეტენზიო კომისიისადმი მიმართვის (მის: ქ.მარნეული, რუსთაველის ქუჩა 73, მუნიციპალიტეტის ადმინისტრაციული შენობა) უფლება აქვს მხოლოდ წერილობითი ფორმით, კონკურსის შედეგების (მის მიმართ გამოტანილი საბოლოო გადაწყვეტილება) გამოცხადებიდან (გადაწყვეტილების ჩაბარებიდან – წერილობით გაგზავნის შემთხვევასა და გაგზავნიდან – გადაწყვეტილების ელექტრონული ფოსტით გაგზავნის შემთხვევაში) არაუგვიანეს 2 სამუშაო დღისა. საპრეტენზიო კომისიის სახელზე შეტანილი განცხადება კომისიის მიერ განიხილება არაუმეტეს 3 სამუშაო დღეში, მიღებული გადაწყვეტილება აისახება ოქმში და საბოლოო გადაწყვეტილების მისაღებად წარედგინება კომისიას.

კონკურსატს უფლება აქვს არ გამოიყენოს საპრეტენზიო კომისიისადმი მიმართვის უფლება და კონკურსის პროცედურებსა და შედეგებთან დაკავშრებული საჩივრით მიმართოს სასამართლოს საქართველოს ადმინისტრაციული საპროცესო კოდექსით დადგენილი წესით. დამატებითი ინფორმაცია შესაძლებელია მოძიებულ იქნას  მუნიციპალიტეტის ოფიციალური ელექტორნული ფოსტის მისამართზე (municipaliteti@marneuli.gov.ge) ან ტელეფონის ნომერზე: 599 85 99 81. გისურვებთ წარმატებას.