მარნეულის მუნიციპალიტეტში სასკოლო  სპორტული ოლიმპიადა მიმდინარეობს, რომელმაც სტარტი  12 ნოემბერს აიღო. ოლიმპიადაში 72 სკოლიდან  1500–ზე მეტი ახალგაზრდა მონაწილეობს, რომელიც სპორტის  შვიდ სახეობაში შეეჯიბრება ერთმანეთს.

დღეს, გაიმართა  შეჯიბრი  ფეხბურთში , რომელშიც ათი გუნდი მონაწილეობს.

სასკოლო სპორტული ოლიმპიადა 2015 წლიდან ტარდება და ყოველწლიური ხასიათისაა.   პროექტის მიზანს საზოგადოებისა და განსაკუთრებით მოსწავლე-ახალგაზრდობის სპორტში მასობრივად ჩართვა და სასკოლო სპორტის განვითარების ხელშეწყობა წარმოადგენს.

ღონისძიებას ესწრებოდნენ   მერიის თანამშრომლები, ადგილობრივი საგანმანათლებლო რესურსცენტრის წარმომადგენლები და გულშემატკივრები.