მარნეულის მუნიციპალიტეტის ჩართულობით და საქართველოს ბუნების მკვლევართა კავშირის „ორქისი“-ის ორგანიზებით, ქალაქ მარნეულში, ფიროსმანის ქუჩაზე არსებულ სტიქიურ ნაგავსაყრელზე, გაიმართა ნიადაგის რემედიაცია, რომლის ფარგლებშიც დასუფთავდა არსებული ტერიტორია და ნიადაგი დამუშავდა ქართული ცეილიტის სორბენტით.

დასუფთავების აქციას მარნეულის მუნიციპალიტეტის მერიის ადმინისტრაციული სამსახურის უფროსი, ნინო დეკანოიძე, ა(ა)იპ „სუფთა მარნეულის“ დირექტორი, ლერი მუმლაძე და მერიის თანამშრომლები ესწრებოდნენ.

აღსანიშნავია, რომ დასუფთავების აქცია შვედეთის მთავრობის მხარდაჭერით განხორციელდა, რომელიც დავიცვათ საქართველოს სისუფთავე პროექტის ფარგლებში მიმდინარეობს.