მარნეულის მუნიციპალიტეტი
ოფიციალური ვებგვერდი
ცხელი ხაზი
სიახლეები

 

მარნეულში 9 აპრილისადმი ღონისძიება -„მადლობა თავისუფლებისთვის“ გაიმართა
09 აპრ 2019
 

მარნეულის მუნიციპალიტეტში, წუხელ ღამით, საქართველოს დამოუკიდებლობისათვის დაღუპულ გმირთა ხსოვნის საპატივსაცემოდ, სოფელ წერეთელში არსებულ 9 აპრილის სახელობის სკვერში აქცია-ღონისძიება სლოგანით - „მადლობა თავისუფლებისთვის“ გაიმართა.

ღონისძიების მონაწილეებმა 9 აპრილის მემორიალი ყვავილების გვირგვინებით შეამკეს და დაღუპულთა ხსოვნას პატივი მიაგეს.
ამ დღეს დაღუპულთა სულების მოსახსენიებელი პანაშვიდი მარნეულისა და ჰუჯაბის ეპარქიის მოძღვრებმა გადაიხადეს.

ღონისძიებაში მონაწილეობას იღებდნენ სახელმწიფო რწმუნებული ქვემო ქართლში შოთა რეხვიაშვილი, მარნეულის მაჟორიტარი დეპუტატი თამაზ ნავერიანი, მერის მოვალეობის შემსრულებელი ზაურ ტაბატაძე, მოადგილე ლაშა ლობჯანიძე, საკრებულოს თავმჯდომარე ამირან გიორგაძე, მოადგილე მამუკა ნავერიანთან ერთად. ასევე თვითმმართველობის თანამშრომლები და მუნიციპალიტეტის მაცხოვრებლები.

ღონისძიება, რომელსაც ორგანიზებას მარნეულის კულტურის ცენტრი უწევდა, თემატური აქტივობებით იყო დატვირთული. სპეციალურად მოწყობილ ეკრანზე ნაჩვენები იქნა 1989 წლის 9 აპრილისა და 1991 წლის 9 აპრილის მოვლენების ამსახველი დოკუმენტური კადრები.

მუნიციპალიტეტის გადაწყვეტილებით, ახლადრეაბილიტირებული 9 აპრილის სახელობის სკვერი, სწორედ დღევანდელ დღეს გაიხსნა.

ღონისძიების დასასრულს, კი ახალგაზრდებმა სიმბოლურად ცაში, 21 მანათობელი ფრანი გაუშვეს.

1989 წლის 9 აპრილს, თბილისში, გამთენიისას პარლამენტის შენობასთან, საქართველოს დამოუკიდებლობის მოთხოვნით, მშვიდობიანი საპროტესტო აქციის დარბევისას, 21 ადამიანი დაიღუპა, ათასობით მოქალაქე კი დაშავდა. ორი წლის შემდეგ, 1991 წლის 9 აპრილს საქართველოს უზენაესმა საბჭომ საქართველოს დამოუკიდებლობის აქტი მიიღო.

 
 
მნახველთა რაოდენობა: 1112
 
 
 
სიახლეები
ივნ 04 სამ 2019
681
 
 
სიახლეები
2019 ივლისი
ორშსამოთხხუთპარშბკვ
1234567
891011121314
15161718192021
22232425262728
293031