დღეს, მარნეულის მუნიციპალიტეტის კულტურის სახლში, აუტიზმის შესახებ ცნობიერების ამაღლების მიზნით, საინფორმაციო შეხვედრა გაიმართა.

შეხვედრის ფარგლებში საუბარი შეეხო აუტიზმის გავრცელებას, დიაგნოსტიკასა და მისი დაძლევის შესაძლებლობას, როგორც სკოლამდელი ისე სკოლის ასაკის ბავშვებში. ასევე, ხაზი გაესვა აუტისტური სპექტრის დარღვევის მქონე ბავშვებისთვის საჭირო სერვისებისა და შესაბამისი პროგრამების მნიშვნელობას.

ღონისძიებას მუნიციპალიტეტის მერის მოვალეობის შემსრულებელი ზაურ ტაბატაძე, მერის მოადგილე ლაშა ლობჯანიძე, საკრებულოს თავმჯდომარის მოადგილე მამუკა ნავერიანი და თვითმმართველობის სხვა ხელმძღვანელი პირები ესწრებოდნენ. ღონისძიებაზე ასევე იმყოფებოდნენ ბაღისა და სკოლის პედაგოგები, მშობლები და თემით დაინტერესებული პირები.

ღონისძიებას ორგანიზებას მარნეულის მუნიციპალიტეტი, ფონდი „ჩვენ განსხვავებულები ვართ“, შპს „მირაკულუმ“, წმ. ნინოს სამედიცინო ფონდი და ფონდი „მაკ ჯეორჯია“ უწევდა.