მარნეულის მუნიციპალიტეტს, ევროკავშირის მხარდაჭერით მიმდინარე პროექტის „ტექნიკური დახმარება საქართველოში ნარჩენების მართვის სისტემების გაუმჯობესების მიზნით“ (EuropeAid/138609/DH/SER/GE) ფარგლებში, საქართველოს მყარი ნარჩენების კომპანიის წარმომადგენლები და პროექტში ჩართული ექსპერტები ეწვივნენ, რომლებიც მუნიციპალიტეტის ხელმძღვანელ პირებს შეხვდნენ და პროექტის ფარგლებში განსახორციელებელი აქტივობები განიხილეს.

აღნიშნული პროექტის ერთ-ერთი მიზანი, გადამუშავებასა და სეპარირებული შეგროვების პილოტირებას უკავშირდება. სწორედ ამიტომ, ბიონარჩენების სეპარირების საპილოტე პროექტი ამჟამად მარნეულის მუნიციპალიტეტში მიმდინარეობს.

დაინტერესებულ მხარეებთან დისკუსიის საფუძველზე, შეძენილ იქნა 30 ცალი 1100 ლიტრის მოცულობის კონტეინერი, რომელიც გადმოეცემა ადგილზე მოქმედ ორგანული ნარჩენების გადამამუშავებელ საწარმოს.

აგრეთვე მომზადდა საინფორმაციო ხასიათის მასალები. კონტეინერები ნიშანდებული იქნება EU-ს, პროექტისა და MEPA-ს ლოგოებით (სტიკერები). ისინი განლაგდება მარნეულში, სხვადასხვა ადგილებზე.

ცნობიერების ამაღლების მიზნით, პროექტის ფარგლებში მომზადდა ბროშურები და სახელმძღვანელოები, როგორც ქართულ ისე აზერბაიჯანულ ენებზე.