მარნეულის მუნიციპალიტეტმა, ბოლნისში გამართულ „ბოლნისქალაქობა 2018“–ის სახალხო დღესასწაულის ფარგლებში, ისტორიულ უბანში, ქვემო ქართლის სხვა მუნიციპალიტეტებთან ერთად ეთნოგრაფიული კუთხე წარმოადგინა. იქვე მოეწყო ქართული ღვინის სხვადასხვა სახეობის, სოფლის მეურნეობის პროდუქციისა და ქართული ნუგბარის გამოფენა-გაყიდვაც.

ბოლნისქალაქობის დღესასწაულზე, მარნეულიდან ასევე მონაწილეობდნენ სოფელ შულავერში მდებარე „Studio Hobby Hause“-ის წარმომადგენლებიც.

სახალხო დღესასწაულზე იმყოფებოდნენ, ქვემო ქართლის გუბერნიის ხელმძღვანელი პირები, საქართველოს პარლამენტში ქვემო ქართლის წარმომადგენელი მაჟორიტარი დეპუტატები, გუბერნატორის მოადგილეები და მუნიციპალიტეტების პირველი პირები.

სადღესასწაულო პროგრამის ფარგლებში, საქართველოში მოღვაწე შემოქმედებითმა ჯგუფებმა ქართული ტრადიციული, მრავალფეროვანი, მუსიკალური ნომრები შეასრულეს.

„ბოლნისქალაქობა 2018“-ის ფარგლებში, გამოვლინდნენ მუნიციპალიტეტის საპატიო მოქალაქეები, რომლებიც ბოლნელმა მთავარეპოსკოპოსმა, მეუფე ეფრემმა და მხარისა და მუნიციპალიტეტის ხელმძღვანელმა პირებმა დააჯილდოვეს.