ქვემო ქართლში სახელმწიფო რწმუნებულმა-გუბერნატორმა, შოთა რეხვიაშვილმა, მარნეულის მუნიციპალიტეტში მოსახლეობასთან სამდღიანი შეხვედრები დაასრულა.

მხარის გუბერნატორი, მოადგილესთან ზაურ დარგალთან, საკრებულოს თავმჯდომარე ამირან გიორგაძესთან, მერის მოადგილე ლაშა ლობჯანიძესთან და თვითმმართველობის სხვა ხელმძღვანელ პირებთან ერთად ვიზიტის მესამე დღეს ყიზილაჯლოს, ქალაქ მარნეულის, ალგეთისა და კაპანახჩის ადმინისტრაციული ერთეულების მოსახლეობას შეხვდა,  სადაც ასევე მოინახულა მიმდინარე და დასრულებული ინფრასტრუქტურული პროექტები.

გუბერნატორმა ადგილობრივებისგან პირადად მოისმინა მათი საჭიროებები და თვითმმართველობის ხელმძღვანელ პირებთან ერთად იმსჯელა მათი მოგვარების გზებზე.

შოთა რეხვიაშვილმა, მასთან შესახვედრად შეკრებილ მოსახლეობას, საკუთარი ხედვები და პრიორიტეტები გააცნო რეგიონის განვითარების მიმართულებით, ასევე  მიაწოდა ინფორმაცია მუნიციპალიტეტიში დაგეგმილი და მიმდინარე პროექტების შესახებ.

აღსანიშნავია, რომ რეგიონის პირველი პირი  მსგავსი ფორმატის შეხვედრებს მომავალშიც  ინტენსიურად გამართავს.