დღეს, მარნეულის მუნიციპალიტეტის გამგეობაში, პროექტ „სამოქალაქო ბიუჯეტი“–ს ფარგლებში შემოსული განაცხადებიდან, გამარჯვებული პროექტები გამოვლინდა. აღსანიშნავია, რომ წელს, 107 საპროექტო განაცხადიდან, 38-მა პროექტმა გაიმარჯვა, რომელთა განხორციელებისთვის, თანხა 2018 წლის ადგილობრივ ბიუჯეტში იქნება გათვალისწინებული. სამოქალაქო ბიუჯეტის ფარგლებში დაგეგმილი ღონისძიება, გამგეობის საკონფერენციო დარბაზში გაიმართა, რომელსაც მარნეულის მუნიციპალიტეტის გამგებლის მოვალეობის შემსრულებელი ზაურ ტაბატაძე, „სამოქალაქო ბიუჯეტის“ მხარდამჭერი საბჭოს წევრები, პროექტში ჩართული მოქალაქეები და ადმინისტრაციულ ერთეულებში გამგებლის წარმომადგენლები ესწრებოდნენ. მოგახსენებთ, რომ სპეციალურად შექმნილმა საბჭომ დეტალურად გაიარა 2017 წელს „სამოქალაქო ბიუჯეტის“ ფარგლებში შემოსული საპროექტო იდეები, გასცა რეკომენდაციები და განსაზღვრა სამომავლო პრიორიტებები. შეგახსენებთ, რომ მარნეულის მუნიციპალიტეტი უკვე მესამე წელია ახორციელებს პროექტს „სამოქალაქო ბიუჯეტი“, რომელიც მოქალქეების ინტერესების გათვალისწინებასა და ჩართულობას გულისხმობს მუნიციპალიტეტის ბიუჯეტის დაგეგმვის პროცესში.