მარნეულის მუნიციპალიტეტი,   ყოველწლიურ საერთაშორისო კამპანიას - ,,დავასუფთაოთ მსოფლიო“-ს  (Clean Up the World) შეუერთდა.
აქციის ფარგლებში, დასუფთავდა ყულარის ადმინისტრაციული ერთეულის,  სოფელ დაშტაფის დაბინძურებული ტერიტორია, რომელშიც მონაწილეობას  იღებდნენ  ადგილობრივი თვითმმართველობის ხელმძღვანელი  პირები,  მუნიციპალური ა(ა) ი პ „სუფთა  მარნეული “-ს  თანამშრომლები, კამპანიის წარმომადგენლები და ადგილობრივი ახალგაზრდები.
დასუფთავების აქციის შედეგად, აღნიშნული ტერიტორიიდან  გატანილი იქნა 55 კუბური მეტრის მოცულობის ნარჩენი.
აღსანიშნავია, რომ 14-15-16 სეტემბერს მსოფლიოს მრავალ ქვეყანაში ტარდება დასუფთავების ყოველწლიური საერთაშორისო კამპანია – ,,დავასუფთაოთ მსოფლიო“ (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით. კამპანია ტარდება ყოველ სექტემბერს და მასში მონაწილეობას ღებულობს 130-მდე ქვეყანა.