დღეს, 10 აგვისტოს გამგეობის მცირე საკონფერენციო დარბაზში მარნეულელმა ახალგაზრდებმა მარიამ ჭოხონელიძემ და ვუგარ ყარაბაღლიმ, რომლებიც პოლონეთში, ქალაქ გდანსკში გამართულ მე–7 ბიზნეს კვირეულს ესწრებოდნენ გამგეობის თანამშრომლებისთვის მცირე პრეზენტაცია გამართეს. ახალგაზრდებმა დამსწრე საზოგადოებას გაუზიარეს ის ცოდნა და გამოცდილება, რომელიც ბიზნეს კვირეულზე მიიღეს. აღსანიშნავია, რომ მარნეულის მუნიციპალიტეტიდან ბიზნეს კვირეულში მოსწავლეების მონაწილეობა, გამგებლის მერაბ თოფჩიშვილის უშუალო ჩართულობით და პოლონურ მხარესთან მჭიდრო თანამშრომლობის საფუძველზე მოხდა.